დაზოგეთ ელექტროენერგია, ნუ გაზრდით ფასებს  –    არცაში პრობლემები დღითიდღე მძიმდება

არცახის ენერგოსისტემა დატვირთვას ვერ უძლებს, სადისტრიბუციო ქსელი მუშაობს ექსტრემალური დატვირთვით, განუცხადა „რადიოლურს“ კომპანია „არცახენერგოს“ დირექტორმა ანდრანიკ ხაჩატრიანმა. ის აღნიშნავს, რომ ენერგომოთხოვნილებას არცახი შიდა რესურსების ხარჯზე აკმაყოფილებს.

„ქსელის მდგომარეობა გაუარესდა, მთელი დატვირთვა ქსელზეა. მას შემდეგ რამდენჯერმე გაიზარდა ავარიების რაოდენობა, დასაშვები დონიდან გაიზარდა დატვირთვა“.

არცახში ენერგოსისტემა პარალიზებულია 9 იანვრიდან, როდესაც ჩამოვარდა სომხეთიდან არცახში ერთადერთი მაღალი ძაბვის ელექტროგადამცემი ხაზი. აზერბაიჯანული მხარე მის შეკეთების საშუალებას არ გვაძლევს. წინასწარი მონაცემებით, ელექტროგადამცემი ხაზის აღდგენა რამდენიმე საათში იქნება შესაძლებელი, საბოლოო შეფასება კი მაშინ გახდება ცნობილი, როცა ექსპერტები ავარიის ადგილზე მივლენ.  მათ ჯერ არ აქვთ ამის შესაძლებლობა. ამ დროისთვის, არცახში ელექტროენერგია საათში ექვსჯერ ითიშება. „არცახენერგოს“ დირექტორი ამბობს, რომ განრიგის ცვლილებაზე ჯერ საუბარი არ არის. ის ასევე მოუწოდებს ელექტროენერგიის ზომიერად გამოყენებას.

„ჩვენი ყოველდღიური მოწოდებაა, რომ ყველამ ყურადღება მივაქციოთ და ელექტროენერგია ზომიერად გამოვიყენოთ. ელექტროენერგიის ზომიერად გამოყენება დღეს გადაუდებელი აუცილებლობაა“.