აზერბაიჯანის პრეზიდენტის აპარატის რიგით წინადადებასთან დაკავშირებით აპრილის დასაწყისში ბაქოში აზერბაიჯანისა და არცახის წარმომადგენლებს შორის შეხვედრის გამართვის თაობაზე, საჭიროდ მივიჩნევთ კიდევ ერთხელ დავადასტუროთ არცახის რესპუბლიკის ხელისუფლების პრინციპული პოზიცია აზერბაიჯანულ მხარესთან შესაძლო დისკუსიებთან დაკავშირებით, მათი ორგანიზაციის მეთოდებისა და მიზნების შესახებ. News.am-ის ინფორმაციით, ამის შესახებ განცხადება გაავრცელა არცახის საგარეო საქმეთა სამინისტრომ.
განცხადებაში ასევე ნათქვამია: „არცახის რესპუბლიკა ყოველთვის მხარს უჭერდა და ის დიალოგისა და ყველა არსებული პრობლემის მშვიდობიანი, მოლაპარაკების გზით გადაჭრის მომხრეა. ჩვენ არასდროს არ გვითქვამს უარი კონტაქტებზე აზერბაიჯანულ მხარესთან, რასაც მოწმობს არცახისა და აზერბაიჯანის წარმომადგენლებს შორის არცახში დისლოცირებული რუსული სამშვიდობო ჯარების სარდლობის შუამავლობით გამართული შეხვედრები.
აზერბაიჯანული მხარის მიერ შეხვედრის ადგილთან და დღის წესრიგთან დაკავშირებით გაჟღერებული პირობები და კონტექსტი, რომელშიც წარმოდგენილი იყო მოცემული წინადადება, მოწმობს, რომ აზერბაიჯანის ხელისუფლების მიზანია არა არსებული პრობლემების რეალური განხილვა, არამედ ჩაშლა შესაძლო დიალოგის ან იძულების, ბლოკადის და გაუსაძლისი ცხოვრების პირობების შექმნით და საკუთარი პოლიტიკური დღის წესრიგის დაწესება სამხედრო ძალის გამოყენებით.
ამასთან დაკავშირებით, საჭიროდ მიგვაჩნია შეგახსენოთ, რომ სამი დღის წინ, 25 მარტს, აზერბაიჯანის შეიარაღებულმა ძალებმა უხეშად დაარღვიეს 2020 წ. 9 ნოემბრის სამმხრივი დეკლარაციის დებულებები, გადაკვეთეს საკონტაქტო ხაზი და ღრმად შეიჭრნენ არცახის რესპუბლიკის ტერიტორიაზე, სტეფანაკერტი-ლისაგორის გრუნტის გზის მიმართულებით.
მეტიც, 27 მარტს აზერბაიჯანის შეიარაღებულმა ძალებმა კიდევ ერთხელ სცადეს აღნიშნულ გზაზე კონტროლის აღება, რაც ბლოკადის პირობებში შუშის რაიონის თემებსა და რესპუბლიკის სხვა დასახლებებს შორის საგანგებო კომუნიკაციის ერთადერთი შესაძლებლობაა.
ჩვენ ვადასტურებთ ჩვენს მზადყოფნას, წინა შეხვედრების გამართვის დამკვიდრებული პრაქტიკის შესაბამისად, შევხვდეთ აზერბაიჯანის წარმომადგენლებს რუსეთის სამშვიდობო მისიის შუამავლობით არცახში და მათი სარდლობის ადგილზე, რათა განვიხილოთ არცახის ხალხის ნორმალური ცხოვრების უზრუნველყოფა და მხარეთა მიერ ნაკისრი ვალდებულებების ჯეროვნად შესრულება, კერძოდ, ლაჩინის დერეფნის შეუფერხებელ მუშაობასთან დაკავშირებით.
ამ კონტექსტში პრიორიტეტად მიგვაჩნია იმ ჰუმანიტარული, ინფრასტრუქტურული და სხვა გადაუდებელი პრობლემების გადაჭრა, რომელიც გამოწვეულია ლაჩინის დერეფნის გავლით არცახის სომხეთთან დამაკავშირებელი ერთადერთი გზის ბლოკადით.
არცახის ხელისუფლება ღიაა სხვა საკითხების განხილვისთვისაც, რომლებიც მიმართული იქნება არა აზერბაიჯანული მხარის მზა გადაწყვეტილებების დაწესებაზე, არამედ სიტუაციის სტაბილიზაციისა და დაძაბულობის შემდგომი ესკალაციის თავიდან აცილების მიზნით ორმხრივად მისაღები გადაწყვეტილებების ძიებაზე.
კიდევ ერთხელ ხაზს ვუსვამთ, რომ ლაჩინის დერეფნის ბლოკადის გაგრძელება და ჰუმანიტარული კრიზისის გამწვავება არცახში მიუღებელია და არანაირად არ უწყობს ხელს დიალოგისთვის ხელსაყრელი ატმოსფეროს შექმნას.
ჩვენ დარწმუნებულნი ვართ, რომ აზერბაიჯანის მიერ მხოლოდ თავისი საერთაშორისო ვალდებულებების სათანადოდ შესრულება, როგორც 2020 წლის 9 ნოემბრის სამმხრივი დეკლარაციის შესაბამისად, ასევე იუსტიციის საერთაშორისო სასამართლოს 2023 წლის 22 თებერვლის გადაწყვეტილების შესაბამისად, შესაძლოა მოწმობდეს იძულების და ძალის გამოყენების გარეშე, დიალოგისა და მოლაპარაკებების გზით პრობლემების გადაწყვეტისთვის აზერბაიჯანის მზადყოფნასა და ინტერესზე.
კიდევ ერთხელ ხაზს ვუსვამთ ტექნიკური და ჰუმანიტარული საკითხების გადაწყვეტის შესახებ დიალოგის პოლიტიზების დაუშვებლობას და ხაზს ვუსვამთ, რომ აზერბაიჯან-ყარაბაღის კონფლიქტის მოგვარების პოლიტიკური საკითხები უნდა განიხილებოდეს შეთანხმებულ და საერთაშორისოდ აღიარებულ მოლაპარაკების ფორმატში, თანასწორობის საფუძველზე, მხარეთა და მათი ვალდებულებების შესრულების ძლიერი საერთაშორისო გარანტიების არსებობისას.
