ყაზახეთი მზად არის პლატფორმა დაუთმოს მოსკოვსა და კიევს, ასევე ერევანსა და ბაქოს – ყაზახეთის ელჩი რუსეთში
ყაზახეთი მზადაა შექმნას პირობები უკრაინაში კონფლიქტის მოგვარების განსახილველად და უზრუნველყოს პლატფორმა შესაბამისი კონტაქტებისთვის. ამის შესახებ ყაზახეთის ელჩმა რუსეთში დაურენ აბაევმა სააგენტო TASS-თან ინტერვიუში განაცხადა.
„რა თქმა უნდა, ყაზახეთი ყოველთვის მზადაა დაეხმაროს მშვიდობიანთან დაკავშირებულ ყველა პროცესს. ეს ეხება არა მარტო რუსეთს და უკრაინას, არამედ სომხეთსა და აზერბაიჯანს, სირიის პრობლემას, ირანის პრობლემას“, – განაცხადა დიპლომატმა და უპასუხა კითხვას, მზად არის თუ არა ყაზახეთი გახდეს შუამავალი უკრაინის კონფლიქტის მოგვარების საქმეში.
აბაევმა აღნიშნა, რომ უკრაინაში კონფლიქტის მოგვარების მრავალი ინიციატივა არსებობს. „რა თქმა უნდა, ამ პროცესებში ყოველთვის უნდა იყოს გათვალისწინებული რუსეთის აზრი. რა თქმა უნდა, ჩვენ მზად ვართ ვიყოთ არა შუამავალი, არამედ მივაწოდოთ პლატფორმა და შევქმნათ პირობები“, – დასძინა მან.
