ევროკავშირი არ გამორიცხავს საქართველოსთან უვიზო რეჟიმის გაუქმებას „რუსული კანონის“ მიღების შემთხვევაში  –  მასმედია

თუ საქართველოს მმართველი პარტია მიიღებს კანონს „უცხოური აგენტების შესახებ“, რომელსაც ასევე „რუსულ კანონს“ უწოდებენ, ევროკავშირი არ გამორიცხავს ქვეყანასთან უვიზო რეჟიმის გაუქმებას.

ამის შესახებ ევროპის რადიოსადგურ  “თავისუფლების“  რედაქტორმა რიკარდ იოზვიაკმა საკუთარი წყაროებიდან შეიტყო.

მისი თქმით, ევროკავშირის ელჩებმა ოთხშაბათს კვლავ განიხილეს საქართველოში არსებული ვითარება, კერძოდ, პოტენციური ზომები „უცხოური აგენტების შესახებ“ კანონის მიღების შემთხვევაში. მისი თქმით, განიხილება ყველა შესაძლო სახის სასჯელი.

„ვერ გამოვრიცხავთ ვიზალიბერალიზაციის შეჩერებას. ყველაფერი ეს განხილვის  მაგიდაზეა“, – წერს იოზვიაკი თავის X-ში.