ISW: პუტინი ემზადება გაჭიანურებული ომისთვის და არა სტაბილური კომპრომისული მშვიდობისთვის
ომის შესწავლის ინსტიტუტის (ISW) ანგარიშის თანახმად, ვლადიმერ პუტინი აგრძელებს რუსეთის შიდა აუდიტორიის წახალისებას, მოემზადონ უკრაინაში გაჭიანურებული ომისთვის, ვიდრე კომპრომისზე დაფუძნებული მდგრადი მშვიდობისათვის.
ანგარიშში აღნიშნულია, რომ ბოლო დღეებში და კვირებში პუტინი და სხვა ოფიციალური პირები ავრცელებენ მესიჯებს, რომ რუსეთი უკრაინაში ხანგრძლივ ომს და მშვიდობას მხოლოდ კრემლის პირობებით ელის.
ამრიგად, 18 მარტს ტრამპთან სატელეფონო ზარამდე ცოტა ხნით ადრე, პუტინმა დახურული შეხვედრა გამართა ბიზნესმენებთან რუსეთის მრეწველებისა და მეწარმეთა კავშირის ყრილობაზე.
ვლადიმერ პუტინი ამზადებს რუსეთის შიდა აუდიტორიას უკრაინაში გაჭიანურებული ომისთვუს და არა კომპრომისზე დაფუძნებული მდგრადი მშვიდობისათვის.
შეხვედრაზე დამსწრე წყაროები და ჟურნალისტები აღნიშნავენ, რომ პუტინმა გააფრთხილა რუსი ბიზნესმენები ომის დასრულებისთვის ნელი და რთული მოლაპარაკებების შესახებ. მან კი ბიზნესის წარმომადგენლებს ურჩია „ნუ იქნებიან გულუბრყვილოები“ იმის გათვალისწინებით, თუ ვინ რა საკითხებს განიხილავს. პუტინმა ასევე საჯაროდ განაცხადა, რომ რუსეთი არ უნდა მოელოდეს დასავლეთის მიერ სანქციების სწრაფად მოხსნას.
ISW-მ აღნიშნა, რომ კრემლი უკვე დიდი ხანია ავრცელებს რუსეთის მოთხოვნებს ტერიტორიული და უსაფრთხოების დათმობების შესახებ ამჟამინდელი ფრონტის ხაზის მიღმა.
„პუტინი და კრემლის სხვა ოფიციალური პირები, სავარაუდოდ, გააგრძელებენ შიდა აუდიტორიის დარწმუნებას, რომ ომი უკრაინაში რჩება გაჭიანურებულ ოპერაციად და რომ რუსეთი სწრაფად ვერ მიაღწევს მშვიდობას უკრაინაში“, – აცხადებენ ანალიტიკოსები.
გარდა ამისა, ომის შესწავლის ინსტიტუტი თვლის, რომ რუსი ოფიციალური პირები მუშაობენ დაძაბულობის ესკალაციაზე შეერთებულ შტატებსა და მის ევროპელ მოკავშირეებს შორის, რათა დაარღვიონ დასავლეთის მხარდაჭერა უკრაინისადმი და ძირი გამოუთხარონ ნატოს ალიანსს.
ასევე, ISW-ის ანგარიშის მიხედვით, კრემლის ოფიციალური პირები აგრძელებენ ნარატივების გაფართოებას და ვარაუდობენ, რომ პუტინი რჩება უკრაინის დაპყრობის თავისი გრძელვადიანი მიზნის ერთგული და ცდილობს გამოიყენოს მოახლოებული ცეცხლის შეწყვეტის შესახებ მოლაპარაკებები უკრაინისა და შეერთებული შტატებისგან პრევენციული დათმობების უზრუნველსაყოფად.
