ჩვენ განვიხილავთ არაბეთის გაერთიანებულ საემიროებს, როგორც მთავარ პარტნიორს სომხეთსა და ყურის ქვეყნებს შორის სავაჭრო, ეკონომიკური და საინვესტიციო თანამშრომლობის გაღრმავების მიზნით – პაპოიანი
აბუ დაბიში ყოველწლიურ საინვესტიციო კონფერენციაში მონაწილეობს სომხეთის ეკონომიკის მინისტრი გევორგ პაპოიანი. ამის შესახებ ცნობას სომხეთის რესპუბლიკის ეკონომიკის სამინისტრო აქვეყნებს.
ღონისძიების ფარგლებში მინისტრი არაბეთის გაერთიანებული საემიროების ეკონომიკის მინისტრს აბდულა ბინ ტუქ ალ-მარის შეხვდა.
საუბარი შეეხო სომხეთსა და არაბეთის გაერთიანებულ საემიროებს შორის ეკონომიკური კავშირების განვითარებას, ვაჭრობის მოცულობის გაზრდას და ორი ქვეყნის ბიზნესსაზოგადოებებს შორის თანამშრომლობის შესაძლებლობებს.
გევორგ პაპოიანმა მაღალი შეფასება მისცა არაბეთის გაერთიანებულ საემიროებთან მჭიდრო თანამშრომლობას ეკონომიკურ სფეროში, განსაკუთრებით ბოლო წლებში, რის შედეგადაც აგს ამჟამად ლიდერობს სომხეთის უმსხვილესი ექსპორტიორი და იმპორტიორი ქვეყნების სიაში.
ამასთან, მინისტრმა ხაზგასმით აღნიშნა, რომ არსებობს ეკონომიკის სფეროში თანამშრომლობის შემდგომი გაღრმავების წინაპირობები.
ჩვენ განვიხილავთ არაბეთის გაერთიანებულ საემიროებს, როგორც მთავარ პარტნიორს სომხეთსა და ყურის ქვეყნებს შორის სავაჭრო, ეკონომიკური და საინვესტიციო თანამშრომლობის გაღრმავების მიზნით. „დღეს ჩვენ მზად ვართ გამოვიკვლიოთ თანამშრომლობის ახალი სფეროები და განვავითაროთ პროექტები, რომლებიც ორმხრივად მომგებიანი იქნება ჩვენი ორი ქვეყნისთვის“, – აღნიშნა გევორგ პაპოიანმა.
მინისტრმა თანამოსაუბრეს გააცნო სომხეთის ეკონომიკური მიმზიდველობის ხელშემწყობი ფაქტორები, სომხეთის რესპუბლიკის მთავრობის მიერ ინიცირებული პროგრამები და საინვესტიციო შესაძლებლობები.
ცალკე ყურადღება დაეთმო ტურიზმის, განახლებადი ენერგიისა და მწვანე ენერგიის სფეროებში თანამშრომლობის შესაძლებლობებს.
გევორგ პაპოიანმა ასევე წარადგინა პროექტი „მშვიდობის გზაჯვარედინზე“, რომელიც შეიძლება გახდეს ფართო ეკონომიკური თანამშრომლობის მნიშვნელოვანი კომპონენტი.
