სომხეთსა და რუსეთს შორის ურთიერთობები ტრანსფორმაციის ფაზაშია. ამის შესახებ 16 ივლისს, პრესკონფერენციაზე განაცხადა სომხეთის პრემიერ-მინისტრმა ნიკოლ ფაშინიანმა.
„ჩემი შეფასებით, ჩვენი ურთიერთობები რუსეთთან აღარ იქნება ისეთი, როგორიც ადრე იყო. მაგრამ ეს არ ნიშნავს, რომ ჩვენი ურთიერთობები ცუდი უნდა იყოს. მე ვფიქრობ, რომ ისინი კარგი უნდა იყოს, გაცილებით უკეთესი, ვიდრე ადრე გვქონდა.
რა თქმა უნდა, არსებობს გარკვეული განგაში, რომ რუსეთი ამას თუ იმას გეგმავს. გულწრფელად რომ ვთქვა, არ ვარ მიდრეკილი დავიჯერო ასეთი ჭორები და შეფასებები, მაგრამ თუ რაიმე პრობლემა იქნება, ჩვენ ვისაუბრებთ მათზე ჩვენს რუს პარტნიორებთან, განვიხილავთ და ვეცდებით გადაწყვეტილებების პოვნას“.
