„სამხრეთ კავკასიის რკინიგზა“ მგზავრთა გადაყვანის ინფრასტრუქტურის მოდერნიზაციას ახორციელებს
„სამხრეთ კავკასიის რკინიგზის“ კომპანიამ 2025 წლის ზაფხულში რიგ სადგურებსა და პლატფორმებზე მოდერნიზაციის სამუშაოები ჩაატარა.
Armenpress-ის ცნობით, კომპანია იუწყება, რომ ერევნის რკინიგზის სადგურის პლატფორმის ფილით მოპირკეთებული საფარი განახლდა, ასევე არაქსისა და არაგაცის სადგურების პლატფორმები. არმავირის რეგიონში არტაშატის პლატფორმა სრულად რეკონსტრუირებულია. ერევნის სადგურის შენობაში შეზღუდული მობილობის მქონე პირთათვის სპეციალური ტუალეტი აშენდა.
მგზავრთა გადაყვანის დირექტორატის უფროსის, ჰრანტ მიქაელიანის თქმით, რემონტისთვის განკუთვნილი ობიექტები შეირჩა ინფრასტრუქტურის მდგომარეობის, ასევე მგზავრების გამოხმაურების გათვალისწინებით. მგზავრთა ინფრასტრუქტურის განახლების და კაპიტალური რემონტის პროგრამა 2026 წელსაც გაგრძელდება, რომლის ფარგლებშიც თავდაპირველად ხუთ სადგურზე სამუშაოების ჩატარება იგეგმება.
„სამხრეთ კავკასიის რკინიგზის“ მიერ გავრცელებულ განცხადებაში ხაზგასმულია, რომ 2025 წლის პირველ ნახევარში რესპუბლიკური და სახელმწიფოთაშორისი სამგზავრო გადაყვანის ფარგლებში „სამხრეთ კავკასიის რკინიგზის“ მატარებლებით 233,500 მგზავრმა ისარგებლა.
