Thales-მა და BooTech-მა რეგიონული უსაფრთხოების გასაძლიერებლად პარტნიორობა გამოაცხადეს

ფრანგულმა წამყვანმა Thales-მა და სომხურმა თავდაცვის ტექნოლოგიების კომპანია BooTech-მა გამოაცხადეს სამრეწველო პარტნიორობის დაწყების შესახებ, რომელიც მიზნად ისახავს სტრატეგიული თანამშრომლობის გაღრმავებას და რეგიონული უსაფრთხოების გაძლიერებას.

შეთანხმების ფარგლებში, BooTech იმოქმედებს, როგორც სამრეწველო პარტნიორი საბრძოლო მართვის სისტემებში, ციფრულ ინფრასტრუქტურაში, კიბერუსაფრთხოებასა და მასთან დაკავშირებულ სფეროებში. ამავდროულად, Thales-ი გაუზიარებს თავის წარმოების გამოცდილებას და ტექნოლოგიებს, ხოლო BooTech ყურადღებას გაამახვილებს სისტემურ ინტეგრაციასა და ქსელურ გადაწყვეტილებებზე.

2019 წელს დაარსებული BooTech ავითარებს ციფრულ სისტემებს ბრძოლის მართვის, დაზვერვის, თვალთვალისა და სადაზვერვო ინფორმაციის შეგროვებისთვის, მიმდინარე და მომავალი თაობის იარაღის გაერთიანების, ოპერაციების სიჩქარისა და ეფექტურობის გაზრდისა და ხარჯების შემცირების მიზნით.

პარტნიორობის მიზანია ისეთი ურთიერთთავსებადი გადაწყვეტილებების შექმნა, რომლებიც მრავალდარგოვან გარემოს საშუალებას მისცემს ერთად იმუშაონ და ხელი შეუწყონ მაღალკვალიფიციური სამუშაო ადგილების შექმნას სომხეთში. „Thales-ის გლობალური ინდუსტრიული პოტენციალისა და BooTech-ის ინტეგრაციული შესაძლებლობების კომბინაცია დააჩქარებს ერთობლივი გადაწყვეტილებების მიწოდებას სომხეთისა და მსოფლიოს სხვა ქვეყნების შეიარაღებული ძალებისთვის“, – განაცხადა Thales-ის ევროპის უფროსმა ვიცე-პრეზიდენტმა  მარკ დარმონმა და დასძინა, რომ ეს პარტნიორობა ხელს შეუწყობს ევროპის უსაფრთხოებას და სომხეთის ევროკავშირთან დაახლოების ფონზე, მას შეუძლია უზრუნველყოს, რომ ორივე მხარის ეკონომიკები და ხალხი ისარგებლოს ინვესტიციით.

„BooTech“-ის აღმასრულებელი დირექტორის, აშოტ ღუკასიანის თქმით, სტრატეგიული პარტნიორობის შეთანხმება ნდობის მნიშვნელოვან გამოხატულებას წარმოადგენს. „ერთად ჩვენ ვაშენებთ სუვერენულ თავდაცვის ინდუსტრიას, რომელიც ხელს უწყობს რეგიონული სტაბილურობის განმტკიცებას და ჩვენი ტექნოლოგიური თვითკმარობის განვითარებას“, – აღნიშნა მან.