სომხეთის საგარეო საქმეთა მინისტრი არარატ მირზოიანი ლუქსემბურგში გერმანიის საგარეო საქმეთა მინისტრ იოჰან ვადეფულს შეხვდა.ამის შესახებ სრ საგარეო საქმეთა სამინისტრო იტყობინება.არარატ მირზოიანმა და იოჰან ვადეფულმა სომხეთ-გერმანიის პარტნიორობის საკითხები განიხილეს
ორივე მხარემ ხაზი გაუსვა გასული წლის დეკემბერში ხელმოწერილი ორმხრივი პარტნიორობის სტრატეგიული დღის წესრიგის დეკლარაციის პუნქტების განხორციელების მიმართულებით ერთობლივი მუშაობის მნიშვნელობას.
როგორც „არმენპრეს“-ი სომხეთის საგარეო საქმეთა სამინისტროს მიერ გავრცელებული განცხადების მიხედვით იუწყება, გერმანიის საგარეო საქმეთა მინისტრმა ასევე მიულოცა არარატ მირზოიანს სომხეთში ჩატარებულ დემოკრატიულ არჩევნებთან და მისი პარტიის გამარჯვებასთან დაკავშირებით, კიდევ ერთხელ დაადასტურა გერმანიის მხარდაჭერა სომხეთის დემოკრატიული განვითარებისა და ევროპული ინტეგრაციის მიმართ. თანამოსაუბრეებმა გაცვალეს მოსაზრებები სომხეთ-ევროკავშირის სტრატეგიული პარტნიორობის გაღრმავების საკითხებზე. შეხვედრაზე რეგიონულ მოვლენებს შეეხო. მინისტრმა მირზოიანმა წარმოადგინა სომხეთის ხედვა მეზობლებთან ურთიერთობების ნორმალიზების პროცესთან დაკავშირებით.
საგარეო საქმეთა სამინისტრომ ასევე გამოაქვეყნა მოკლე ვიდეო.
