ალიევმა სომხეთი “ზანგეზურის დერეფნის შექმნისთვის ხელის შეშლაში” დაადანაშაულა

ბერლინში ვიზიტისას აზერბაიჯანის პრეზიდენტმა ილჰამ ალიევმა სომხეთი „ზანგეზურის დერეფნის შექმნის შეფერხებაში“ დაადანაშაულა.

News.am-ის ინფორმაციით, APA-ზე დაყრდნობით, ალიევმა ბერლინში გერმანიის პრეზიდენტთან ფრანკ-ვალტერ შტაინმაიერთან შეხვედრისას ზანგეზურის დერეფნის საკითხზე ისაუბრა.

„ხაზგასმით აღინიშნა, რომ სომხეთი, რომელიც თავს არიდებს სამმხრივი დეკლარაციით ნაკისრი ვალდებულებების შესრულებას, აფერხებს ზანგეზურის დერეფნის განხორციელებას“, – წერს მასმედია. ეს არ არის პირველი შემთხვევა, როდესაც ალიევი ამახინჯებს ფაქტებს და დოკუმენტების შინაარსს, მაგრამ ეს პირველი შემთხვევაა ასე თავხედურად. ალიევი იტყუება, როცა სომხეთის ვალდებულებებზე საუბრობს „ზანგეზურის დერეფნის“ გახსნასთან დაკავშირებით, არც ერთი დოკუმენტი არ გულისხმობს სომხეთის ტერიტორიაზე „დერეფნის“ გახსნას. ერთადერთი, რაც სომხეთმა “უნდა” გააკეთოს, არის კომუნიკაციების გახსნა, ზუსტად ისევე როგორც ეს უნდა გააკეთოს აზერბაიჯანმა.