მთავრობამ სომხეთსა და საბერძნეთს შორის სამხედრო-ტექნიკური თანამშრომლობის ხელშეკრულება დაამტკიცა
სომხეთის მთავრობამ დაამტკიცა შეთანხმება „სომხეთისა და საბერძნეთის მთავრობებს შორის სამხედრო-ტექნიკური თანამშრომლობის შესახებ“.
გადაწყვეტილების დასაბუთებაში აღნიშნულია, რომ ამ შეთანხმებას ხელი 2023 წლის 14 დეკემბერს ათენში მოაწერეს საბერძნეთის ეროვნული თავდაცვის მინისტრმა ნიკოლაოს დენდიასმა და სომხეთის რესპუბლიკის თავდაცვის მინისტრმა სურენ პაპიკიანმა.
ხელშეკრულების დებულებები განსაზღვრავს მხარეებს შორის თანამშრომლობის მიმართულებებს, კერძოდ, თავდაცვისუნარიანობის გაძლიერების მიზნით ახალი ტექნოლოგიებისა და სამხედრო პროდუქციის კვლევის, განვითარებისა და წარმოების ხელშეწყობას მხარეთა ეროვნული კანონმდებლობის შესაბამისად.
შეთანხმება მოიცავს თანამშრომლობის ისეთ მნიშვნელოვან სფეროებს, როგორიცაა ტექნოლოგიის გადაცემა და ტექნიკური მხარდაჭერა იარაღის, საბრძოლო მასალისა და ასაფეთქებელი ნივთიერებების წარმოებისთვის, ინფორმაციისა და გამოცდილების გაცვლას საბრძოლო მასალის წარმოების სფეროში, კვლევების ჩატარება სამხედრო საქონლისა და მათი წარმოების სფეროში.
შეთანხმების განხორციელებისა და თანამშრომლობის ხელშეწყობის მიზნით იგეგმება სომხურ-ბერძნული კომისიის შექმნა, რომელიც შეაფასებს შეთანხმებას, წარმოაჩენს რეკომენდაციებსა და პრიორიტეტებს თანამშრომლობის შემდგომი განვითარებისთვის და დაამტკიცებს სამუშაო გრაფიკს.
