შეერთებულმა შტატებმა აზერბაიჯანი დეზინფორმაციის გავრცელებაში დაადანაშაულა

NEWS.AM-ი წერს, რომ აშშ-ის საგანგებო და სრულუფლებიანმა ელჩმა აზერბაიჯანში მარკ ლიბიმ აზერბაიჯანული მედიის მიერ გავრცელებული ინფორმაცია აშშ-ს მიერ სომხეთის შეიარაღების შესახებ შეაფასა, როგორც დეზინფორმაცია.

მან გამოთქვა რწმენა, რომ ამას ავრცელებენ ის ძალები, რომლებიც ცდილობენ გაართულონ ურთიერთობები სომხეთსა და აზერბაიჯანს შორის.

ელჩმა დასძინა, რომ შეერთებული შტატები თანამშრომლობას აშენებს სომხეთთან, საქართველოსა და აზერბაიჯანთან და უარი თქვა დამატებითი კომენტარების გაკეთებაზე სომხეთსა და აშშ-ს ერთობლივ წვრთნებზე.