აზერბაიჯანული მხარე ყველანაირად ცდილობს სომხეთს მიჰყიდოს მშვიდობის საკითხი, სანაცვლოდ კი უფრო დიდი ცალმხრივი დათმობების მიღწევას ცდილობს. ამის შესახებ Radar Armenia–თან საუბარში განაცხადა რეგიონულ საკითხებში ექსპერტმა არმენ პეტროსიანმა.
მისი აზრით, მოკლევადიან პერსპექტივაში, თუნდაც სამშვიდობო ხელშეკრულების გაფორმების შემთხვევაში, არის გარკვეული სტრატეგიული საკითხები, რომელთა გადაწყვეტისთვის აზერბაიჯანი გამოიყენებს თავის სამხედრო უპირატესობას.
„ზოგადად, აზერბაიჯანის გათვლები ისეთია, რომ ის გააგრძელებს რეგიონში სამხედრო უზენაესობის შენარჩუნებას ორ მეზობელზე, სომხეთსა და საქართველოზე. ანუ აზერბაიჯანის განცხადება, რომ 2025წ თავდაცვისა და უსაფრთხოების ხარჯები თითქმის 7%-ით შემცირდება, ეს არ ნიშნავს იმას, რომ ისინი არ უსწრებენ როგორც სომხეთს, ასევე საქართველოს პირდაპირი ფინანსური რესურსების მიწოდებით, რეგიონში სამივე ქვეყნის ეკონომიკის სტრუქტურისა და შემოსავლების გათვალისწინებით“, – განაცხადა არმენ პეტროსიანმა.
ექსპერტის თქმით, ეს ნაბიჯი მშვიდობის ინდიკატორად ვერ შეფასდება. ეს არის პროპაგანდისტული ბუშტი, რომ სომხეთის ბრალდებები და აზერბაიჯანის შეიარაღების გაგრძელება რეალობას არ შეესაბამება.
„და ასე, რიცხობრივად, ეს აჩვენებს, რომ აი, ჩვენ ვამცირებთ ფინანსურ ხარჯებს და სომხეთი აგრძელებს შეიარაღებას და ევროპულ ქვეყნებს სურთ რეგიონის დესტაბილიზაცია, სომხეთის შეიარაღება და რეგიონში გაძლიერება. უნდათ რაღაც სათაურით პროპაგანდისტული ფეიკის შექმნა, თითქოს ამცირებენ სამხედრო ბიუჯეტის ხარჯებს, მაგრამ რეალურად გააგრძელებენ მეტი თანხის დახარჯვას სამხედრო სფეროს გაფართოებისთვის, იარაღის შეძენის გეოგრაფიის გაზრდისთვის, – დაასკვნა არმენ პეტროსიანმა.
