სრ საგარეო საქმეთა მინისტრი არარატ მირზოიანი სამუშაო ვიზიტით ვაშინგტონში 14-დან 15 იანვრამდე დაჰყოფს. როგორც „არსენპრესს“ სომხეთის საგარეო საქმეთა სამინისტროდან აცნობეს, დაგეგმილია შეხვედრები ამერიკელ კოლეგებთან, მათ შორის აშშ-ის სახელმწიფო მდივანთან ენტონი ბლინკენთან. ქვეყნებს შორის ურთიერთობები 2024 წელს გამოირჩეოდა აქტიური პოლიტიკური დიალოგით და ღირებული მიღწევებით. 5 აპრილს სომხეთი-აშშ-ევროკავშირის სამმხრივი შეხვედრა გაიმართა. 11 ივნისს ერევანში გაიმართა სომხეთ-აშშ სტრატეგიული დიალოგის შემაჯამებელი სხდომა და გამოიკვეთა ურთიერთობების გაღრმავების ხედვა, რომელიც მიზნად ისახავს ორმხრივი დიალოგის სტრატეგიულ პარტნიორობამდე ამაღლებას.
“ჩვენი პარტნიორობის საფუძველია დემოკრატიული პრინციპებისადმი ძლიერი ერთგულება. ჩვენი ორმხრივი დღის წესრიგი აგრძელებს გაფართოებას და მოიცავს ისეთ სფეროებს, რომლებიც მნიშვნელოვანია სომხეთის მდგრადობისა და განვითარებისთვის. ორმხრივი ურთიერთობების მზარდი ბუნებისა და დინამიკის გათვალისწინებით, ვიმედოვნებთ, რომ ჩვენი სტრატეგიული დიალოგი სტრატეგიული პარტნიორობის ახალ დონეზე ავა, რამაც შეიძლება კიდევ უფრო გააძლიეროს ჩვენი მრავალმხრივი თანამშრომლობის სტრუქტურული საფუძვლები, მათ შორის, მინისტრ მირზოიანსა და სახელმწიფო მდივან ბლინკენს შორის ორმხრივი შეხვედრების ფორმატში“, – ნათქვამია განცხადებაში.
