21 იანვარს სომხეთისა და რუსეთის საგარეო საქმეთა მინისტრების სერგეი ლავროვისა და არარატ მირზოიანის მოლაპარაკებების ყურადღების ცენტრში იქნება სამხრეთ კავკასიაში შექმნილი ვითარება, რომლის მიზანია სომხეთსა და აზერბაიჯანს შორის დაბალანსებული მოგვარების მიღწევა, ნათქვამია რუსეთის საგარეო საქმეთა სამინისტროს განცხადებაში.
გარდა ამისა, ქვეყნების საგარეო პოლიტიკის დეპარტამენტების ხელმძღვანელები გამართავენ აზრთა დეტალურ გაცვლას რუსეთ-სომხეთის ურთიერთობებზე, ევრაზიის ეკონომიკური კავშირისა და ევრაზიულ სივრცეში სხვა ინტეგრაციული გაერთიანებების ფარგლებში თანამშრომლობასა და გლობალური დღის წესრიგის აქტუალურ საკითხებზე.
,,ვიმედოვნებთ, რომ მოსალოდნელი შეხვედრა იქნება კონსტრუქციული, ხელს შეუწყობს თანამშრომლობის პრაქტიკული საკითხების წინსვლას და ამიერკავკასიაში უსაფრთხოებისა და სტაბილურობის განმტკიცებას“, – ნათქვამია განცხადებაში.
20 იანვარს სომხეთის საგარეო საქმეთა მინისტრი არარატ მირზოიანი სამუშაო ვიზიტით მოსკოვს ეწვევა.
