ამერიკელების 76 პროცენტი თვლის, რომ ტრამპი ნობელის პრემიას არ იმსახურებს

„ვაშინგტონ პოსტისა“ და „იპსოსის“ ერთობლივმა გამოკითხვამ აჩვენა, რომ ოთხიდან სამი ამერიკელი თვლის, რომ აშშ-ის პრეზიდენტი დონალდ ტრამპი ნობელის პრემიას არ იმსახურებს.

გამოკითხვა მთელი ქვეყნის მასშტაბით 11-დან 15 სექტემბრამდე ჩატარდა 2513 ადამიანს შორის.

გამოქვეყნებული შედეგების თანახმად, 76 პროცენტი თვლის, რომ ტრამპი არ იმსახურებს პრემიას, 22 პროცენტმა მხარი დაუჭირა მის კანდიდატურას. რესპუბლიკელებს შორის აზრი გაიყო: 49 პროცენტი წინააღმდეგია, ამდენივე კი მომხრეა.

გამოკითხულთა 54 პროცენტმა აღნიშნა, რომ ყოფილმა პრეზიდენტმა ბარაკ ობამამ ასევე არ დაიმსახურა ნობელის პრემია მშვიდობის დარგში, რომელიც მას 2009 წელს მიენიჭა.