საქართველოს პრემიერ-მინისტრი აზერბაიჯანული სატვირთო მანქანების ბლოკირების შესახებ ინფორმაციას პასუხობს

აზერბაიჯანული მედია, მძღოლებზე დაყრდნობით, იუწყება, რომ სიგარეტის გადამზიდავი აზერბაიჯანული სატვირთო მანქანები 20 დღეზე მეტი ხნის განმავლობაში ხელოვნურად იყო შეფერხებული აჭარის საბაჟო პუნქტებში ბათუმსა  და თბილისში.

საქართველოს პრემიერ-მინისტრმა ირაკლი კობახიძემ BM.GE-ს ამ მტკიცებასთან დაკავშირებით დასმულ კითხვას უპასუხა და აღნიშნა, რომ მსგავსი ინციდენტი არ მომხდარა და მხოლოდ ერთი მანქანა დაგვიანდა.

„მე გადავამოწმე და მსგავსი ინციდენტი არ მომხდარა. რამდენადაც ვიცი, მხოლოდ ერთი მანქანა გაჩერდა.  ეს კონკრეტული მიზეზით მოხდა. ჩვენ მზად ვართ, მეგობრულად განვიხილოთ ნებისმიერი შესაძლო სირთულე“, – უპასუხა კობახიძემ.

აზერბაიჯანის საელჩომ დაადასტურა ინციდენტი და აღნიშნა, რომ ისინი ქართულ მხარესთან ერთად მუშაობენ საკითხის მოსაგვარებლად.