საზოგადოება
ერევნის ზოოპარკს ახალი ბინადრები ჰყავს
ერევნის ზოოპარკის სტუმრებს ახლა უკვე შეუძლიათ ნახონ ველური კატების ოჯახის უნიკალური წარმომადგენლები, მანულები, მანო და ნანო. ზოოპარკიდან „არმენპრესს“ აცნობეს, რომ მანული ასევე განსაკუთრებული მნიშვნელობისაა სომხეთის ფაუნისთვის. „ადრე ის სომხეთშიც გვხვდებოდა, მაგრამ დიდი ხნის განმავლობაში ამ სახეობის შესახებ ახალი მონაცემები არ არსებობდა და რესპუბლიკაში გადაშენებულად ითვლებოდა. ამჟამად მიმდინარეობს კვლევა მისი ჩვენს ქვეყანაში არსებობის დასადგენად და ახალი ჩანაწერების დასაფიქსირებლად“, – ნათქვამია განცხადებაში.
მანო და ნანო წითელკუდა მანულის ქვესახეობის წარმომადგენლები არიან და ამჟამად მხოლოდ ერევნის ზოოპარკშია გამოფენილი.
