,,სპუტნიკი სომხეთი“ წერს, რომ შეერთებული შტატები და საფრანგეთი არ ივიწყებენ ეუთოს მინსკის ჯგუფის თანათავმჯდომარეების როლის შესახებ ყარაბაღის კონფლიქტში და აღნიშნავენ, რომ მთელი რიგი საკითხები გადაუჭრელი რჩება. ასეთი განცხადება გააკეთეს სახელმწიფო დეპარტამენტის წარმომადგენლებმა ბრიფინგის დროს.
მათ ხაზი გაუსვეს, რომ შეერთებული შტატები და საფრანგეთი ყარაბაღის კონფლიქტის მოგვარებაში თანათავმჯდომარეების როლის ერთგულები არიან.
წარმომადგენლების თქმით, ყარაბაღის კონფლიქტის შესახებ ისაუბრეს აშშ-ს სახელმწიფო მდივანმა მაიკ პომპეომ და საფრანგეთის საგარეო საქმეთა მინისტრმა ჟან-ივ ლე დრიანმა. ორივე მათგანმა აღნიშნა, რომ ისინი თანათავმჯდომარეების თავის როლის ერთგულები რჩებიან.
”თავის მხრივ, მხარეებმა განიხილეს ლე დრიანისა და რუსეთის საგარეო საქმეთა მინისტრის სერგეი ლავროვის ბოლოდროინდელი საუბარი, რომელშიც ამ უკანასკნელმა აღნიშნა, რომ რუსეთი ცდილობდა კონფლიქტისა და ჰუმანიტარული კრიზისის დასრულებას. ამასთან, კონფლიქტში არსებობს გადაუჭრელი საკითხები ხელშეკრულების პარამეტრებთან და თურქეთის როლთან კონფლიქტში”, - განაცხადა სახელმწიფო დეპარტამენტის წარმომადგენელმა.
