News.am წერს, რომ ყარაბაღის საკითხის გადაწყვეტის რუსული ვერსია აზერბაიჯანმა უარყო. ამის შესახებ 24 მარტს, ეროვნული კრების საგარეო ურთიერთობათა მუდმივმოქმედი საპარლამენტო კომიტეტის რიგგარეშე სხდომაზე დეპუტატების შეკითხვებს უპასუხა რესპუბლიკის საგარეო საქმეთა მინისტრმა არარატ მირზოიანმა.
დაჟინება, რომ რუსეთმა მოგვარების თავის ვერსიაში შესთავაზა მთიანი ყარაბაღის სტატუსის საკითხის მოგვიანებით გადადება, ხოლო დასავლეთმა კი მთიანი ყარაბაღის აზერბაიჯანის შემადგენლობაში დატოვება, არ შეესაბამება რეალობას“, – განაცხადა მინისტრმა.
მისი თქმით, სიტუაცია ასეთია: რუსული ვერსია, რომელიც სტატუსის საკითხის გადადებას ითვალისწინებს, რაღაც მომენტში განიხილებოდა, მაგრამ აზერბაიჯანმა უარყო.
„ახლა მხარეები მოლაპარაკებებს აწარმოებენ ვარიანტზე, რომელიც გულისხმობს საერთაშორისო მექანიზმების შექმნას, რომელიც მიზნად ისახავს მთიანი ყარაბაღის მოსახლეობის უფლებებსა და უსაფრთხოებასთან დაკავშირებული პრობლემების გადაჭრას“, – განაცხადა საგარეო საქმეთა მინისტრმა. მისი თქმით, ამ მექანიზმების დანერგვა ყარაბაღულ და აზერბაიჯანულ მხარეებს შორის პირდაპირი დიალოგის გზით უნდა მოხდეს.
