სომხეთმა და აზერბაიჯანმა დაადასტურეს მონაწილეობა ყაზახეთში მოლაპარაკებებში, მათი ჩატარების თარიღი მოგვიანებით გახდება ცნობილი. ამის შესახებ რია ნოვოსტის ყაზახეთის საგარეო საქმეთა სამინისტროს ოფიციალურმა წარმომადგენელმა აიბეკ სმედიაროვმა განუცხადა.
„აზერბაიჯანისა და სომხეთის საგარეო საქმეთა მინისტრებს შორის მოლაპარაკებები ალმათიში გაიმართება. მონაწილეობა ორივე მხარემ დაადასტურა. ღონისძიების დღე დამატებით გამოცხადდება“, – აღნიშნა სმედიაროვმა.
ყაზახეთის საგარეო საქმეთა მინისტრის მოადგილემ ალიბეკ ბაკაევმა „რია ნოვოსტის“ სამშაბათს განუცხადა, რომ შეხვედრის თარიღი გადაწყვეტილი არ არის, რადგან სომხეთს მონაწილეობა ჯერ არ დაუდასტურებია.
ყაზახეთში ორ ქვეყანას შორის მოლაპარაკებების გამართვის იდეა რესპუბლიკის პრეზიდენტმა ქასიმ-ჯომარტ ტოკაევმა სომხეთსა და აზერბაიჯანში ბოლო ვიზიტის დროს შესთავაზა.
