ეკონომიკა
რუსეთში კონიაკის წარმოება ივნისში მნიშვნელოვნად შემცირდა
„კომერსანტი“ წერს, რომ ივნისში რუსეთში კონიაკის წარმოება წინა წელთან შედარებით 26,67 პროცენტით შემცირდა.
ექსპერტები ამას, სხვა მიზეზებთან ერთად, მაისის ბოლოს სომხური კონიაკის სპირტზე დაწესებულ შეზღუდვებს მიაწერენ. სწორედ ამ სპირტებისგან იწარმოება რუსული კონიაკი.
ასეთ მოკლე დროში რუსმა მწარმოებლებმა ვერ მოახერხეს კონიაკის ჩამოსხმისთვის საჭირო ნედლეულის მიწოდების ჯაჭვების აღდგენა, წერს გაზეთი.
წარმოების მოცულობაზე ასევე გავლენას ახდენს კონიაკის საერთო მოთხოვნის შემცირება ფასების მნიშვნელოვანი ზრდის გამო. 2026 წლის დასაწყისიდან მინიმუმ სამი წლის განმავლობაში დაძველებული კონიაკის მინიმალური საცალო ფასი 16 პროცენტით გაიზარდა.
