25 იანვარს სამუშაო ვიზიტით ბრიუსელში მყოფი სრ საგარეო საქმეთა მინისტრი არარატ მირზოიანი შეხვდა ევროკავშირის სპეციალურ წარმომადგენელს სამხრეთ კავკასიასა და საქართველოში კრიზისის საკითხებში ტოივო კლაარს და ევროპის საბჭოს პრეზიდენტის საგარეო პოლიტიკის საკითხებში უფროს მრჩეველს მაგდალენა გრონოს.
მხარეებმა ხაზი გაუსვეს სომხეთში ევროკავშირის ახალი სამოქალაქო სადამკვირვებლო მისიის განლაგების გადაწყვეტილებას და აღნიშნეს, რომ ეს ხელს შეუწყობს რეგიონში უსაფრთხოებისა და სტაბილურობის უზრუნველყოფას.
განიხილეს აზერბაიჯანის მიერ ლაჩინის დერეფნის უკანონო ბლოკირების შედეგად შექმნილი ვითარება. სრ საგარეო საქმეთა მინისტრმა ხაზგასმით აღნიშნა, რომ აზერბაიჯანი თავისი ქმედებებითა და რიტორიკით ძირს უთხრის სამხრეთ კავკასიაში მშვიდობის დამყარებისთვის სომხეთის ძალისხმევას.
აზრები გაცვალეს სომხეთ-აზერბაიჯანის ურთიერთობების მოწესრიგების პროცესზე.
