კუხო-ს საპარლამენტო ასამბლეაზე სიტყვით გამოსვლისას სომხეთის რესპუბლიკის ეროვნული ასაბლეის თავმჯდომარემ ალენ სიმონიანმა განაცხადა, რომ სომხეთს არასოდეს უსაუბრია კუხო-დან გასვლაზე, მაგრამ შეშფოთებულია ორგანიზაციის ქცევით. სიმონიანის თქმით, იქმნება შთაბეჭდილება, რომ კუხოს-თვის სომხეთის ტერიტორიას არ აქვს თანაბარი სტრატეგიული მნიშვნელობა იმ შემთხვევაში, როცა დიდი ყურადღება ეთმობა აღმოსავლეთ ევროპის რეგიონს და ცენტრალურ აზიას.
სომხეთს არასოდეს უსაუბრია კუხო-დან გასვლაზე, მაგრამ ერევანი შეშფოთებულია ორგანიზაციის დამოკიდებულებით სომხეთის მიმართ“, – განაცხადა ალენ სიმონიანმა და დასძინა, რომ „აზერბაიჯანი ყოველდღე არღვევს ცეცხლის შეწყვეტის რეჟიმს, რის შედეგადაც ჩვენ ვიღებთ მსხვერპლს. კუხო-ს გარკვეულმა პასიურობამ, ისევე როგორც ჩვენი ცალკეული მოკავშირეების ოფიციალურმა განცხადებებმა გამოიწვია საზოგადოების უარყოფითი განწყობები ორგანიზაციის მიმართ“.
