ექსპერტები აცხადებენ, რომ საქართველო ეკონომიკური კრიზისის ზღვარზეა. ეროვნულმა ვალუტამ რეკორდული ვარდნა განიცადა, რამაც გამოიწვია რიგი პროდუქციის ფასების ორმაგი ზრდა.
ლარის სტაბილიზაციის მიზნით, ქვეყნის ხელისუფლება განიხილავს ტურიზმის სფეროში შეზღუდვების შემსუბუქებას და სახმელეთო საზღვრების გახსნას.
სამხრეთ კავკასიის რეგიონში უკვე ერთი წელია ყველაზე მკაცრი შეზღუდვები მოქმედებს საქართველოში. გარდა ამისა, საქართველო მე -6 ადგილზეა მსოფლიოში ყველაზე მკაცრი ბარიერების მქონე ქვეყნებს შორის. გამოკვლევებმა აჩვენა, რომ შეზღუდვების მოხსნის დღემდე ქვეყანა ყოველდღიურად კარგავს 16 მილიონ ლარს (დაახლოებით 4,7 მილიონი დოლარი).
საქართველო რეგიონში ყველაზე მაღალი ინფლაციის მქონე ქვეყნების სამეულშია (თურქეთი პირველ ადგილზეა 15,61% -ით, მეორე ადგილზეა საქართველო 7,2% -ით, რუსეთი 5,67%). თბილისის სახელმწიფო უნივერსიტეტის ანალიზისა და პროგნოზირების ცენტრის ხელმძღვანელმა ვახტანგ ჩარაიანმა, საქართველოსა და სომხეთში არსებული სიტუაციის შედარებისას „რადიოლურს“ განუცხადა:
„სომხეთში გაცვლითი კურსი შედარებით სტაბილურია, მაგრამ უნდა აღინიშნოს, რომ სომხეთის ჩართულობა მსოფლიო ეკონომიკაში ნაკლებია ვიდრე საქართველოსი. საქართველოზე გავლენას ახდენს თურქეთიც, მისი უდიდესი სავაჭრო პარტნიორი, სადაც ლირა მნიშვნელოვნად გაუფასურდა.”
ექსპერტის აზრით, შედეგად, მართალია, სომხეთმა ომი გმოიარა, მაგრამ საქართველოში მდგომარეობა უფრო უარესია, რადგან ქვეყანაზე საგარეო ფაქტორების გავლენა უფრო დიდია.
ეკონომიკური განვითარების და კვლევის ცენტრის ვიცე-პრეზიდენტი ნიკა შენგელია ამბობს, რომ მეზობელი სომხეთი, რომელიც 44 დღის განმავლობაში ომში იმყოფებოდა, არც თუ ისე ცუდ ეკონომიკურ სიტუაციაშია.
„რა თქმა უნდა, ქართული ლარი უფრო გაუფასურდა, ვიდრე სომხური დრამი, მიზეზი იყო საქართველოს მთავრობის არასწორი ეკონომიკური პოლიტიკა დაახლოებით ორი ათწლეულის განმავლობაში. საქართველოს ეკონომიკური პოლიტიკა ძირითადად ტურიზმს ემყარება“.
საქართველოს ხელისუფლებამ არაერთი ნაბიჯი გადადგა ლარის დასტაბილურებლად, რომელთაგან ერთ- ერთი, ეკონომიკისა და მდგრადი განვითარების მინისტრის ნათია თურნავას თქმით, ეკონომიკის „მამოძრავებელი ძალა“ ტურიზმია.
„ჩვენ თითქმის აღმოვაფხვრეთ ძირითადი შეზღუდვები ტურიზმის აღდგენისთვის. ვაქცინაციის პროცესი მიმდინარეობს მესამე ტალღის თავიდან ასაცილებლად. ტურიზმი ქვეყანას დამატებით ვალუტას მოუტანს. ახლა ჩვენ განვიხილავთ იმ პირობებს, რომლებშიც შეგვიძლია სახმელეთო საზღვრების გახსნა“, – ამბობს ნიკა შენგელია.
საქართველომ უკვე გახსნა საჰაერო საზღვრები მთელი რიგი ქვეყნების, მათ შორის სომხეთის მოქალაქეებისთვის. მაგრამ ეკონომისტი ნიკა შენგელია ამბობს:
”გასული წლის მარტში გავაცხადეთ, რომ ტურიზმი არ იქნება მინიმუმ სამი წლის განმავლობაში, ასეა მთელ მსოფლიოში. ახლა შეიქმნება ახალი პირობები სფეროს გამოსაცოცხლებლად, კერძოდ, კოვიდ- პასპორტების არსებობა და ა.შ. არ ვფიქრობ, რომ 2021 ან 2022 წელს ტურიზმში მნიშვნელოვანი ცვლილება მოხდება“.
თბილისის სახელმწიფო უნივერსიტეტის ანალიზისა და პროგნოზირების ცენტრის ხელმძღვანელმა ვახტანგ ჩარაიანმა „რადიოლურს“ განუცხადა:
„შესაძლებელია, საზღვრების გახსნა გარკვეულ შესაძლებლობას მისცემს ეკონომიკას, მაგრამ უნდა გავითვალისწინოთ, რომ ეს ვერ იქნება ისეთი რაც ეპიდემიამდე იყო. 2019 წელს გვყავდა ტურისტების რეკორდული რაოდენობა – 9 მლნ. ახლა, თუ ყველა საზღვარს გავხსნით, 9 მილიონი მაინც არ გვეყოლება. ამიტომ, ჩვენ ვერ გადავარჩენთ ეკონომიკას საზღვრების გახსნით, პირიქით, თქვენ შეიძლება ჯანდაცვის სისტემის მწვავე კოლაფსის წინაშე აღმოვჩნდეთ“.
დღეს, როდესაც მსოფლიო კორონავირუსის მესამე ტალღის პირას დგას, ექსპერტის აზრით, უნდა იქნას შესწავლილი, რამდენად აღადგენს საზღვრების გახსნა ქვეყნის ეკონომიკას.
მას უჭირს იმის პროგნოზირება, თუ რეგიონის რომელი ქვეყანა აღიდგენს სწრაფად ეკონომიკიას, რადგან ვაქცინაციის პროცესი არცერთ ქვეყანაში არ არის დამაკმაყოფილებელი.
