გერმანიისგან ჩვენ ველით აქტიურ ძალისხმევას სომხეთის რესპუბლიკის სუვერენიტეტისა და ტერიტორიული მთლიანობის მიმართ. ელჩი ენგიბარიანი

გერმანიაში სომხეთის რესპუბლიკის საგანგებო და სრულუფლებიანმა ელჩმა ვიქტორ ენგიბარიანმა ინტერვიუ მისცა უსაფრთხოების პოლიტიკის ჟურნალის „ლოიალური“ მთავარ რედაქტორს ანდრე უზულისს, იუწყება გერმანიაში სომხეთის საელჩო.

ელჩმა ისაუბრა სამხრეთ კავკასიის უსაფრთხოებაზე, მთიანი ყარაბაღის მოსახლეობის ეთნიკურ წმენდასა და მშვიდობის მშენებლობაზე. მოკლედ გადმოგცემთ ინტერვიუში განხილულ ძირითად თეზისებს.

1. სომხური საზოგადოების სოლიდარობისა და სრ-ის მთავრობის ძალისხმევის წყალობით, შესაძლებელი გახდა მთიანი ყარაბაღიდან სომხეთში იძულებით დევნილთა პრობლემების შემსუბუქება და კარვების დასახლების თავიდან აცილება.

2. სომხეთი და აზერბაიჯანი ტექნიკურად ძალიან ახლოს არიან „სამშვიდობო ხელშეკრულებასთან“, მხოლოდ აკლია აზერბაიჯანის პოლიტიკური ნება.

3. ჩვენი რეგიონის კეთილდღეობის ერთადერთი წინაპირობა მშვიდობაა. თუ მშვიდობა დამყარდება, საბოლოოდ შესაძლებელი იქნება საზღვრების გახსნა, ხალხის და საქონლის თავისუფალი გადაადგილება, რითაც ისარგებლებს აზერბაიჯანიც, გაიხსნება თურქეთ-სომხეთის საზღვარი, რომელიც ყველასთვის მომგებიანი იქნება.

4. საქართველოს მთავრობის ინიციატივა „მშვიდობის გზაჯვარედინი“ არის ჩვენი სამშვიდობო დღის წესრიგის უმნიშვნელოვანესი ნაწილი, ის გახდება ჩრდილოეთ-სამხრეთის, აღმოსავლეთ-დასავლეთის სავაჭრო და ეკონომიკური კავშირის მნიშვნელოვანი ნაწილი.

5. სომხეთში არის ძლიერი დემოკრატიული სტრუქტურები, ქვეყანა წარმატებით ებრძვის კორუფციას, სწორედ ამიტომ 2022 წ. ჩვენ გვქონდა 12 პროცენტზე მეტი ეკონომიკური ზრდა.

6. სომხეთი დგამს ნაბიჯებს იარაღის შესყიდვის ბაზრების დივერსიფიკაციისა და პროფესიული არმიის ჩამოყალიბების მიმართულებით.

7. რუსეთი სომხეთის სტრატეგიული პარტნიორია, მაგრამ ის ასევე აზერბაიჯანის სტრატეგიული პარტნიორია და ამ უკანასკნელს 2011 წლიდან მილიარდობით დოლარის ღირებულების იარაღი მიჰყიდა, რაც არ მოხდა სომხეთთან მიმართებაში. ამ თვალსაზრისით, მტკიცება, რომ რუსეთის ფედერაცია არის სომხეთის დამცველი ძალა, არ არის სწორი. კუხო არ უჭერდა მხარს სომხეთს არა მხოლოდ სამხედრო, არამედ პოლიტიკურადაც, ამიტომაც გვაქვს სერიოზული კითხვები სტრუქტურის მნიშვნელობასთან დაკავშირებით.

8. ევროკავშირის სამოქალაქო მისიას აქვს პოზიტიური როლი რეგიონში. გერმანიისგან, როგორც ევროკავშირის უდიდესი სახელმწიფოსგან, ველით აქტიურ ძალისხმევას სომხეთის სუვერენიტეტისა და ტერიტორიული მთლიანობის კუთხით. ჩვენთვის ასევე მნიშვნელოვანია გერმანიის, როგორც თურქეთთან კარგი ურთიერთობის მქონე სახელმწიფოს გავლენა.